Murag si kinsa kung makasulti si Defense Secretary Gibo Teodoro nga ang mga elected officials nga lahi ug baruganan sa West Philippine Sea kinahanglan daw mang-resign.

Hoy, Gibo, hinay-hinay lang. Ang mga elected officials wala nimo gipili. Ang mga Pilipino ang nagbutang nila sa pwesto. Kung naa kay ebidensya nga traydor sila sa nasud, then file the appropriate case ug ipakita ang ebidensya. Ayaw nang sigeg pa-resign-resign kay murag ikaw ang tag-iya sa gobyerno.

Kataw-anan pud nga ang usa pa gyud nga adunay dual citizenship ang murag pinakauna mangayo ug loyalty test sa uban. Bar topnotcher man unta, pero ambot lang kung katuohan ba.

Ang pagka-Pilipino dili masukod sa kung kinsa ang pinakasaba sa TV o kung kinsa ang pinakauna mang-brand ug "pro-China" sa dili niya kauyon. Patriotism is not measured by political labels.

Ang loyalty sa nasud ginapakita sa serbisyo, dili sa drama. Unsaon na lang nato ang atong mga OFWs nga nagtrabaho sa China? Paulion nimo silang tanan?

Ug ngano kinahanglan man gyud i-demonize ang China? China is not the only country nga adunay claims sa West Philippine Sea.

Kabalo ka, Gibo, ang trabaho sa Defense Secretary dili ang pagpanghatag ug loyalty exam sa mga elected officials. Ang imong trabaho mao ang pagpalig-on sa atong depensa, dili ang pag-label sa mga tawo nga dili mouyon sa imong panan-aw.

Kung gusto gyud nimo adunay mang-resign, sugdi sa imong kaugalingon. O di kaha paresigna na lang pud si SP Gatchalian kay Chinese man na iyang amahan?

Sa tanang patriot soldiers, pangutan-a ninyo inyong kaugalingon kung andam ba mo ibuwis ang inyong kinabuhi para sa gyera nga mahimong bunga sa ego sa usa ka Defense Secretary? Ang inyong panumpa para sa Pilipinas ug sa katawhan, dili para sa personal nga pride sa bisan kinsa. Fight for the nation—not for anyone's ego.

Ayaw pagdiktahi ang mga opisyal nga gipili sa katawhan kay dili ikaw ang naghimo sa ilang mandato.

Sa demokrasya, ang botante ang magpatangtang sa elected officials—dili ang Defense Secretary nga murag nakasuyop.

NAKAKAON MAN SIGURO KAG PAN-OS NGA BULAD.